உடலாலும், மனதாலும் சமநிலையுடன் இருப்பதற்கான சாத்தியங்களை எழுத்தாளர் ஜெயமோகன் வழியாக யோக குரு சௌந்தர் கற்பித்த யோகத்தின் மூலம் அடையும் நல்லூழ் எனக்கு கடந்த ஓராண்டாக வாய்த்துக் கொண்டிருக்கிறது. மனம் தன்னைத் தானே அவதானித்துக் கொண்டேயிருக்கும் ஆற்றலை பெறுகிறது. கொஞ்சம் கொஞ்சமாக முன்கோபம் தணிந்தது. எங்களுக்குள் காரணமற்ற சண்டைகள், காழ்ப்புகளுக்கு இடமில்லாமல் போனது.
