வணக்கம்.நான் சென்னையிலிருந்து நடராஜன்.
எனது நண்பர் திரு.செந்தாமரை (தற்பொழுது உயிருடன் இல்லை) கோவையில் வசித்தவர். A C C மதுக்கரையில் பணிபுரிந்தவர்.
குரு நித்யாவின் நண்பர்களில்(!) ஒருவர். தங்களுக்கு அறிமுகம் உண்டா?
தங்களுடைய- குரு.நித்யாவினுடைய நேர்காணல் (சொல் புதிதில் வந்ததாக ஞாபகம்) -படிக்க கிடைக்குமா? இணையத்தில் இருக்கிறதா?
தங்கள் பணிமென்மேலும்சிறக்க பிரார்த்தனைகளுடன்
நடராஜன்
*
அன்புள்ள நடராஜன்
அவரை நான் அறிந்திருக்கவில்லை. நான் 1992 முதல் மறைவு வரை நித்யாவுக்கு அணுக்கமாக இருந்தேன். ஆனால் பொதுவாக குருகுலமரபு ஒருவரை இன்னொருவருடன் அறிமுகம் செய்வதில்லை. அவர்களே அறிமுகமானால்தான் உண்டு.
நான் நித்ய சைதன்ய யதியை எடுத்த பேட்டி காலச்சுவடு இதழில் வெளிவந்தது. காலச்சுவடு நேர்காணல்கள் என்னும் நூலிலும் ஜெயமோகன் நேர்காணல்கள் என்னும் நூலிலும் உள்ளது
ஜெயமோகன் நேர்காணல்கள் எனி இண்டியன் வெளியீடாக வந்தபின் மறு பிரசுரம் ஆகவில்லை. விரைவில் மறுபிரசுரம் ஆகலாம்
ஜெ
அனுபவங்கள் அறிதல்கள் நூலில் நேர்காணல் உள்ளது.
