பயணம்- கடிதங்கள்

இரு தனங்களாக ஒரு வித உள்ளத் துள்ளலில் மனம் குதித்து தாவிக் கொண்டிருக்கிறது. தங்களிடம் சொன்னது போல் ஹம்பி பயணம் ஆனால் தனியாக, உன்மையிலேயே ஊர் பெயரெல்லாம் மறந்து விஜய நகர வீதியிலே வலம் வந்தக் கொண்டிருக்கிறேன். சொல்லவியலாத கற்பனை உலகிற்குள் அமர்ந்து தங்களுக்கு இந்த கடிதத்தை எழுதிக்கொண்டிருக்கிறேன்.

இப்போது மத்தங்கா மலை உச்சியில் உள்ளேன். சுற்றி நான்கு திசையிலும் கோயில்களும் கோபுரங்களும் மற்றும் துங்கபத்திரா கண்ணை நிறைக்கிறது. நேற்று சென்ற ஹசாரா ராமா கோயிலும், கிருஷ்ணன் கோயிலும் இன்னும் கண்ணை விட்டு மறையவில்லை. அரண்மனை மகாலும், கோபுரங்களும் என்னை சுற்றிக்கொண்டே இருக்கின்றன.

இன்னும் விஜய வித்தாளா கோயில் மட்டும் பார்க்க வேண்டியுள்ளது.நீங்கள் சொன்னது போல் ஆனைகொன்டி நாளை பயணத்திற்கு திட்டமிட்டுள்ளேன். எதோ இதையெல்லாம் தங்களிடம் இப்போது சொல்ல வேண்டுமென்றிருந்தது எழுதிவிட்டேன்.

நன்றியுடன்,

நவின்.ஜி.எஸ்.எஸ்.வி.

அன்புள்ள ஜெ

நீங்கள் சென்ற வழியே சென்றுகொண்டிருக்கிறேன். தனியாக. படித்த நாளே கிளம்பிவிட்டேன். இப்போது சிவசமுத்திரம் பார்த்துவிட்டு அப்படியே ஜோக் அருவிக்குச் சென்றுகொண்டிருக்கிறேன். பேருந்திலேயே செல்வதனால் கொஞ்சம் தனியாக உணர்கிறேன். ஆனால் மழைபெய்து கர்நாடகம் அப்படியே பச்சைப்பசேலென்று குளிர்ந்து காணப்படுகிறது. கூடவே செல்போனில் உங்கள் தளம். இரவுநாவலை வாசித்துக்கொண்டுமிருக்கிறேன்

நன்றி

ஆனந்த்